လူမဆန်သောလူတစ်ယောက်အကြောင်း

ခုမကြာသေးခင်မှလတ်လတ်ဆတ်ဆတ်တွေ့ကြုံလိုက်ရတဲ့အဖြစ်အပျက်လေးတစ်ခုပါ။
ကျနော့်ကိုယ်တွေ့စစ်စစ်ပါ။အလုပ်ကပြန်လာပြီးအဝတ်အစားတွေလဲနေရင်းဖုံးဝင်လာလို့
အပြေးကလေးသွားပြီးကိုင်မိပါတယ်..။အဲဒီလိုပြေးသွားလိုက်ခြင်းကကျနော့်ဘဝမှာအကြီး
မားဆုံးအတွေ့အကြုံတစ်ခုလို့ပြောလို့ရတဲ့အင်မတန်မှထိန့်လန့်စရာကောင်းတဲ့အခြေအနေ
တစ်ခုကိုဖြစ်ပေါ်စေဖို့နဲ့သင်ခန်းစာအသစ်တစ်ခုကိုရစေလိုက်မယ်ဆိုတာကျနော်မသိခဲ့ရိုးအမှန်ပါ။






ကျနော်ကတခြားသူတွေနဲ့ဘာမှမကွာတဲ့လူသားတစ်ယောက်ပါပဲ။
အားလုံးနည်းတူပုခုံးနှစ်ခုကြားထဲကခေါင်းထွက်နေတာရယ်၊ 
အားလုံးကဲ့သို့စားခြင်းသောက်ခြင်းအစရှိတဲ့အရာတွေနဲ့မကင်းနိုင်တာရယ်...အတူတူပါပဲဗျာ....။
လူ့ကျင့်ဝတ်တွေ၊စည်းတွေဘောင်တွေအပြင်၊ပတ်သက်ဆည်းကပ်ဖူးခဲ့တဲ့ဆရာတော်ကြီးများနဲ့တကွ ကျေးဇူးရှင်မိဘနှစ်ပါး၊
ဆရာသမားတို့ရဲ့ဆုံးမစကားတွေကြောင့်အတတ်နိုင်ဆုံးမသမာတဲ့နည်းလမ်းတွေကိုရှောင်ခဲ့ပါတယ်။ နောက်လည်းရှောင်ဖြစ်မှာပါ။
အဲဒါမပြောင်းလဲမယ့်ကျနော့်ဆန္ဒပါ။မက်တာပေါ့။ပိုက်ဆံတော့ကျနော်လည်းမက်တာပေါ့။
ပိုက်ဆံတင်မကပါဘူး။
ရရင်ဖြင့်ရာထူးလည်းလိုချင်တာပဲ။ဂုဏ်သိက္ခာလည်းရရင်ကောင်းသထက်ကောင်းပေါ့ဗျာ။
ဒါပေမယ့်နောင်သံသရာထိပါနိုင်မယ့်မက်ခြင်း(မတော်မတရားနည်းလမ်းများဖြင့်ရရှိခြင်း) 
ဆိုတာတော့မကောင်းပါဘူး။
ဖြူစင်တဲ့(ရိုးရိုးသားသားကြိုးစားရှာဖွေ၍ရရှိခြင်း)မက်ခြင်းကိုပဲမက်သင့်ပါတယ်။ ကြိုးလည်းကြိုးစားသင့်ပါတယ်။
အထူးသဖြင့်အခုခေတ်မှာပိုက်ဆံကပိုမက်စရာကောင်းလာတယ်လေဗျာ။လိုချင်စရာတွေကအများသား မဟုတ်ပါလား။
စားဝတ်နေရေးဖူလုံရုံမျှဖြင့်မတင်းတိမ်နိုင်လောက်အောင်ပဲလိုချင်စရာတွေကကျနော်တို့ ပတ်ဝန်းကျင်မှာအောတိုက်နေတယ်လေ။
ကားရှိသူကလည်းလက်ရှိထက်နံပါတ်ပိုမြင့်သောကား၊မော်ဒယ်(လ်)ပိုမြင့်သောကားကိုမက်တယ်။
အိမ်ရှိသူတွေကလည်းလက်ရှိအိမ်ထက်ပိုမိုသစ်လွင်ကျယ်လွင့်သောအိမ်ကိုအလိုရှိတယ်။ ရုပ်သံစက်ရှိသူတွေအတွက်လည်း မက်ချင်စရာ၊ဘယ်နှရာခိုင်နှုန်းတောင်လျှော့ပေးဦးမည်ဆိုတဲ့ ကြော်ငြာတွေကြားမှာအံတကြိတ်ကြိတ်၊မာန်တဝင့်ဝင့်။
ဖုန်းရှိသူတွေဆိုလည်းကိုယ့်လက်ထဲကဖုန်းထက်သူများကိုင်သောဖုန်းကမှပိုမက်စရာကောင်းနေပြန်တယ်။
ယုတ်စွအဆုံး၊စားစရာသောက်စရာမှာပင်စားချင့်စဖွယ်ဆင်ယင်ထုတ်ပိုးထားသောစားစရာတွေက ဒီခေတ်မှာပိုများလာတယ်။ သည်တော့လူတွေငွေမက်တာမဆန်းပါ။ကြွယ်ဝချင်တာမဆန်းပါ။ အာရုံတွေများနေတာမဆန်းပါလို့ယေဘုယျပြောပါရစေ။
ဆန်းတာကငွေကြေးကိုမက်မောရကောင်းမှန်းသိလာသလိုကြွယ်ဝလိုစိတ်အပြည့်နှင့်ထိုလူတွေကား အသိဉာဏ်နှင့်စာရိတ္တအရာမှာချွတ်ခြုံကျသည်ထက်ကျကျလာတာပင်ဖြစ်တယ်ဗျာ။ ဘယ်လောက်ထိအောင်စာရိတ္တတွေချွတ်ခြုံကျနေသလဲဆိုရင်ကိုယ်လိုအပ်လို့ကိုယ်က ခ,ယပြီးအကူအညီတောင်းထားရတဲ့လူကိုတောင်ပြန်ပြီးအချောင်နှိုက်ချင်စိတ်နဲ့၊
စကောလောက်မှစောက်မနက်တဲ့၊အဆင့်အတန်းမရှိတဲ့အတွေးအခေါ်လေးနဲ့ချောက်ချချင်တဲ့ မောင်ရင်ငတေတွေကလည်းပေါများလာပြီလို့ဆိုရတော့မယ့်အထိပါပဲ။ အဲဒီလိုလူမျိုးတွေဒီဖက်ခေတ်ကြီးမှာရှိနေတာကိုကအံ့သြစရာပါ။
ဘယ်သူသေသေငတေမာပြီးရောဆိုသော “ငတေစိတ်” တွေဖွံ့ထွားလွန်းမကဖွံ့ထွားနေတဲ့ခေတ်ကြီးတစ်ခေတ်ဖြစ်လို့လာ
နေတာကိုကျနော်တို့မြင်နေရတယ်။အင်မတန်မှရွံရှာစဖွယ်စိတ်ထားပါ။
ဘယ်လိုလူ့အသိုင်းအဝိုင်းကမှလက်မခံနိုင်လောက်တဲ့စိတ်ထားအမျိုးအစားပါပဲ။
ဒါဖွံ့ဖြိုးဆဲကျနော်တို့နိုင်ငံဆီမှာချည်းမဟုတ်။မကြာမတင်ကမှဖွံ့ဖြိုးစပြုလာသောအိမ်နီးချင်းနိုင်ငံ တွေမှာလည်းထို“ငတေစိတ်”တွေကထွန်းကားတန်သလောက်ထွန်းကားလို့နေပါတယ်။ 
ဖွံ့ဖြိုးပြီးနိုင်ငံတွေမှာဆိုပိုဆိုးပေါ့ဗျာ။
ရုပ်ဝတ္ထုများတိုးတက်ဖွံ့ဖြိုးလာခြင်းနှင့်အချိုးညီစွာစိတ်ဓာတ်ပိုင်းမှာယိုယွင်းပျက်စီးလာတာကတော့
ဖွံ့ဖြိုးပြီးနိုင်ငံများမှာ ပိုမိုသိသာလို့နေသည်ပေါ့။
အဲဒါကြောင့်မို့လို့လည်းအသိဉာဏ်ရင့်သန်သူအနောက်တိုင်းသားများက 
ကိုယ်ယုံကြည်ရာ၊ကိုယ်သန်ရာတရားတော်များမှတစ်ဆင့်ငြိမ်းအေးမှုကိုဖွေရှာလာတတ်ကြသလို တချို့တွေကလည်းမဖွံ့ဖြိုးသေးသောအရှေ့တိုင်းနိုင်ငံ
များတွင်ခေါင်းချနိုင်ရန်ရည်သန်လျက်ရွှေ့ပြောင်းအခြေချနေထိုင်လျက်ရှိကြခြင်းကိုတွေ့နေရတာပါ။
သူတို့ကသူတို့ကျင်လည်ရာလူ့ဘောင်အသိုင်းအဝိုင်းထဲကစိတ်ဓာတ်ယိုယွင်းပျက်စီးမှုကိုမခံစားနိုင်ကြ၊ မခံစားလိုကြတော့ဘူးလို့ရှု့မြင်ရမှာပေါ့။




 

အခုပဲကြည့်ဗျာ...။ကျနော်ပြောချင်နေတဲ့လူကတော့အနောက်တိုင်းသားမဟုတ်ပါဘူး....
ကျနော်တို့မြန်မာနိုင်ငံကပါပဲ။
ဒီပို့စ်လေးကိုလည်းသူမြင်ကောင်းမြင်နိုင်ပါတယ်။သို့ပေမယ့်ကျနော်ဂရုမစိုက်ပါဘူး။ လောကကြီးကိုရိုးရိုးသားသားမြင်တတ်ဖို့ကြိုးစားပြီးရုန်းကန်နေရတဲ့ ကျနော့်လိုမျိုးတခြားသူငယ်ချင်းမိတ်ဆွေတွေအတွေ့အကြုံရအောင်နဲ့ဆင်ခြင်နိုင်အောင်
စိတ်ဓာတ်ပိုင်းဆိုင်ရာဖွံ့ဖြိုးမှု၊အသိဉာဏ်ဖွံ့ဖြိုးမှု၊စာရိတ္တဖွံ့ဖြိုးမှုကိုအပြုသဘောဆောင်အားပေးတဲ့ အနေနဲ့ရေးတာပါ။ဒါမှလည်းအဲလို ''ငတေစိတ်သမား'' ''အချောင်သမား'' တွေကိုရှောင်ကြဉ်နိုင်မယ်လို့ယုံကြည်လို့ပါပဲ။ဖြစ်ပုံကဒီလိုပါ။ပို့စ်အစလေးမှာပြောခဲ့သလိုပဲပေါ့..
အလုပ်ကပြန်လာပြီးအဝတ်အစားလဲနေတုန်းမှာပဲမြည်လာတဲ့ဖုံးကြောင့်ကောက်ကိုင်လိုက်တော့ မြန်မာပြည်သားတစ်ယောက်ရဲ့ဖုံးဖြစ်နေတော့တယ်လေ...။ အရင်လည်းတစ်ခါနှစ်ခါဖုံးနဲ့စကားပြောဖူးနေလို့(အပြင်မှာမမြင်ဖူးခဲ့ပါ.သူများမိတ်ဆက်ပေးသဖြင့်
အွန်လိုင်းနှင့်သာမိတ်ဆွေဖြစ်ခဲ့ရသူတစ်ယောက်ပါ)သိနေတယ်ပဲပြောရမှာပေါ့ဗျာ..။ မဆက်စဖူးဆက်လာလို့အကျိုးအကြောင်းမေးကြည့်တော့မှ
ထရောင်ဟိုင်မ်းဆေးရုံကြီးမှာဆေးရုံတင်ထားရတယ်ဆိုတာသိလိုက်ရတယ်လေ..။ သူများပြောတာအရင်ကြားဖူးထားတာကဂျိုင်းထောက်နဲ့အားကိုးပြီးသွားလာရတယ်ဆိုတာပါပဲ..... သူ့လိုဒုက္ခိတတစ်ယောက်သူများမြို့(ထရောင်ဟိုင်မ်းမြို့ဆိုသည်မှာ
သူနေထိုင်ရာမြို့မဟုတ်ပါ)မှာဆေးရုံလာတက်ပြီးကုသမှု့ခံယူနေရတယ်ဆိုတော့ကျနော့်နေရာမှာ ဘယ်သူမဆိုအဲဒီသူကိုစာနာမိမှာအမှန်ပါပဲ။အဲဒါနဲ့ကျနော်လည်းသနားမိပြီးအစ်ကိုရေ..... ဘာလိုသလဲပြောပါ။ကျနော်မနက်ဖြန်ဆက်ဆက်လာကြည့်ပါ့မယ်.. အဲဒီအခါအစ်ကိုစားချင်တာရှိရင်ပြောထားပါ..ကျနော်တစ်ခါတည်းယူလာလို့ရအောင်ပါ...လို့ပြောတော့ သူက...နည်းနည်းပါးပါးစားစရာလေးတွေမှာပါတယ်။ ဒါနဲ့ကျနော်လည်းသူမှာထားတဲ့အတိုင်းဆေးရုံကြီးကိုလူမမာသွားကြည့်တော့တာပေါ့ဗျာ။
ကိုယ့်မြန်မာပြည်သားအချင်းချင်း၊ပြီးတော့မြို့ခံမြန်မာပြည်သားဆိုတာကလည်းအနည်းအကျဉ်းပဲရှိတာပါ။ နောက်ပြိးကျောင်းနဲ့အလုပ်နဲ့ဘယ်သူမှသေသေချာချာမအားကြတာကြောင့် တခြားဘယ်သူ့ကိုမှမခေါ်တော့ပဲကျနော်တစ်ယောက်ထဲသွားလိုက်မိတာပေါ့ဗျာ။
ဟိုရောက်တော့အားပေးစကားလေးဘာလေးကိုယ်တတ်သလောက်ပြောလိုက်ပါသေးတယ်...။ ပြီးတော့ဘာဆက်ပြောရမှန်းမသိတော့ငြိမ်ပြီးသူပြောတာတွေနားထောင်နေလိုက်တယ်လေ....။






အဲဒီမှာစတွေ့တော့တာပါပဲ.........အဲဒီလူလောက်စကားတရစပ်
ပြောနိုင်တဲ့လူမမာကျနော့်ဘဝမှာမတွေ့ဖူးခဲ့ပါဘူးဗျာ...ပြောလိုက်တာမှအကြောင်းအရာကိုစုံလို့....
အဲဒီအထဲမှာသူ့အမျိုးသမီးကနိုင်ငံရေးမှာဘယ်ထောင့်ဘယ်နေရာက
ပါဝင်ခဲ့လို့ထောင်ကျသွားခဲ့တာ၊ခုပြန်လွတ်လို့ဘယ်လိုဗိုလ်ချုပ်တွေနဲ့ပိုင်လို့ရက်ပိုင်းအတွင်း
နိုင်ငံကူးလက်မှတ်ထုတ်ပြီးမလေးရှားမှာရောက်နေတာတို့၊ သူကိုယ်တိုင်ဒီနော်ဝေကိုမလာခင်အာရှတိုက်ကနိုင်ငံပေါင်းစုံမှာ
ဘယ်လိုလှည့်ပတ်ပြီးစီးပွါးရေးလုပ်ခဲ့တာတို့၊(စီးပွါးရေးဟုအမည်တပ်ရသော်လည်းလူကုန်ကူးခြင်း၊ ဒေါ်လာငွေအတုပြုလုပ်သောသူများနှင့်ပေါင်းသင်းကာစီးပွါးရှာခြင်း၊ အခြားမသမာသောစီးပွါးရေးများကိုပုံသဏ္ဍာန်အမျိုးမျိုးဖြင့်ပါဝင်လုပ်ကိုင်ခဲ့ခြင်းတို့ကိုပေါ်တင်
ဖွင့်ပြောပြ၍တခဏအတွင်းမှာပင်သိရပါသည်...ကျနော့်ဖက်ကဖြည့်စွက်ပြောခြင်းအလျင်းမရှိပါ)..။
နောက်ပြီးအမေရိကန်မှာ
ဘယ်သူဘယ်ဝါ၊ဘယ်ပရော်ဖက်ဆာ၊ပါမောက္ခတွေကသူ့သူငယ်ချင်းပါ၊ ဂျပန်မှာသူ့တူဘယ်နှစ်ယောက်ကဘာတွေလုပ်ပြီးကြီးပွါးနေတာ၊ သြစီမှာသူ့ဦးလေးတွေရှိနေတာ....စတဲ့အရည်မရအဖတ်မရစကားတွေချည်းသာ....။ ဒါတွေသူပြောလို့နားထောင်ရပေမယ့်လုံးဝမယုံပါဘူး..ဘာလို့လည်းဆိုတော့အဲလိုအတွေ့အကြုံစုံလင်ပြီး နိုင်ငံနှစ်ဆယ်ကျော်ကိုအမြဲအဝင်အထွက်လုပ်နေသောသူ၊
ဗိုလ်ချုပ်ကိုပိုင်ပြီးစီးပွါးဖြစ်နေတဲ့သူ၊မဲဆောက်မှာဂျပန်ကကားတွေအစီးလိုက်တင်သွင်းဖို့အတွက် (ပြောတာပဲ..အဟိ.)
လိုင်စင်ရှိထားတဲ့သူကနော်ဝေမှာဘာလာလုပ်တာပါလိမ့်ပေါ့..။ ကျနော်ဆိုရင်တော့ကိုယ်ကစီမံခန့်ခွဲသူနေရာကိုယူမလား၊
သူများခန့်ခွဲတာကိုခံရတာလက်ခံမလားဆိုရင်..ခန့်ခွဲသူနေရာမှာပဲနေမှာပါ...။ အဲဒါကပိုသဘာဝကျမယ်လို့ထင်ပါတယ်။
ခုသူ့ဟာကဘုရင်မလုပ်ချင်လို့သူတောင်းစားလာလုပ်နေတာလို့ပြောသလိုဖြစ်နေတယ်...။ ဟားဟားလို့တောင်အော်ရယ်လိုက်ချင်ပါဘိ။
ပြီးတော့ကျနော့်အရှေ့မှာတခြားနိုင်ငံသူတွေနဲ့အီးလိုဖုံးစကားလှမ်းပြောပြပါသေးတယ်..။ သူ့အသက်အရွယ်ကငါးဆယ်လောက်ရှိပါပြီ။အမြင်မတော်အောင်ကို
ဆေးရုံကနပ်စ်မလေးတွေကိုနမ်းပြရတာနဲ့လိပ်စာပေးရတာနဲ့..အိုဗျာ..ကျနော်တောင် သူလိုလူနဲ့တစ်နိုင်ငံထဲတူပြီးမြန်မာပြည်သားဖြစ်ရတာသိမ်ငယ်မိတယ်။
အသက်အရွယ်ကိုအားမနာပဲသူ့ထက်ထက်ဝက်လောက်ငယ်တဲ့(ကျနော့်ရှေ့မှာ)
မိန်းကလေးငယ်ငယ်လေးတွေကိုဖုံးဆက်ပြီးကြူပြနေတာ
မသင့်တော်ပါဘူးဆိုတာဒီအတ္တဘောကြီးမစဉ်းစားတတ်ပါ။ ဟိုဖက်ကဆက်လာတယ်ဆိုရင်ကျနော်နားလည်ပေးမှာပါ..ခုဟာကကျနော့်
ကိုကြွားချင်တာနဲ့သူကဆက်လိုက်တာပါ..။တကယ်ဆိုအရေးမကြီးပဲကျနော့်ကိုရှေ့မှာထားပြီး ကျနော့်ကိုခွင့်မတောင်းပဲဖုံးဆက်တာကိုကသူ့အရည်အချင်းကိုသူပြလိုက်တာပါ။ ပြီးတော့အင်မတန်မှနားလည်ဖို့ခက်ခဲတဲ့ဂရမ္မာမသိ၊အထာမရှိတဲ့ထော့ကျိုးအီးလိုစကားနဲ့
ကျနော့်ရှေ့မှာပြောလိုက်သေးတယ်..။တကယ်ဆိုကိုယ့်အရည်အချင်းကိုယ်သိရမှာပါ။ ကိုယ်မပြောတတ်ရင်ရှက်စရာမဟုတ်ပါဘူး။ပြောတတ်ချင်ယောင်ဆောင်တာကရှက်စရာပါ။ သူ့ခမျာကျနော့်ကိုအပြင်မှာတစ်ခါမှစကားမပြောဖူးသေးတော့ကျနော့်အနေအထား
မှန်ကိုမခန့်မှန်းနိုင်သေးဘူးလေ......။ဒါနဲ့ပဲရှေ့မှာရှိတဲ့သူကိုဘယ်သူဖြစ်ဖြစ်ငါ့လောက်မသိပါ၊ မရှိပါဆိုတဲ့ယုတ်ညံ့သေးသိမ်တဲ့သူ့ဝသီအတိုင်းပဲပုံစံအမျိုးမျိုးနဲ့သူ့ကို ကျနော်အထင်ကြီးသွားအောင်လုပ်ပြနေတာပါ။အမှန်ကသူမသိလိုက်တာပါ....။
သူ့ကိုဆေးရုံမှာလာမကြည့်ခင်မှီအထိကျနော်သူ့ကိုလူကြီးတစ်ယောက် အနေနဲ့လေးစားမှု့ရှိနေဆဲပါ။သို့သော်တွေ့ဆုံပြီးမိနစ်နှစ်ဆယ်အတွင်းမှာပဲ
ပြောမပြတတ်လောက်အောင်အထိရွံရှာသွားမိပါတယ်........အဲဒါခုပြသနာဖြစ်လို့ပြောနေတာလို့ မထင်မိစေချင်ဘူးဗျာ..သူနဲ့ပြသနာမဖြစ်ခင်ကတည်းက 
တွေ့ဆုံပြီးမိနစ်နှစ်ဆယ်လောက်ကတည်းကအလိုလိုဖြစ်လာတဲ့အတွင်းခံစားချက်ပါ။




 

 
ကျနော်ကကျနော့်ထက်ကြီးကြီးငယ်ငယ်အားလုံးကိုလေးစားတတ်တဲ့အကျင့်ရှိပါတယ်။ ကိုယ်ရည်သွေးနေခြင်းမဟုတ်ပါ.
ကျောင်းတုန်းကကိုယ့်ထက်ငယ်သောသူများကိုပင်ခေါင်းငုံ့စကားပြောတတ်လွန်းလို့ ကောင်မလေးတွေခဏခဏဟားခဲ့ဖူးပါသေတယ်။
အကြီးတွေကိုဆိုရင်တော့ဘာပြောကောင်းမလဲဗျာ....ဒီထရောင်ဟိုင်မ်းမှာလည်းဒိလိုပါပဲ..။
ကြီးကြီးငယ်ငယ်အားလုံးကိုလေးလေးစားစား
ဆက်ဆံတတ်လို့အားလုံးနဲ့ကျနော်သဟဇာတဖြစ်နေပါတယ်။ခက်တာကဒီလူကြီး......။
သူ့ကိုအထင်မကြီးကြီးအောင်ပြောသင့်တာတွေ
ရော၊မပြောသင့်တာတွေပါလျှောက်လေပန်းရင်းနဲ့မပြီးသွားပဲ..... မလေးရှားကသူ့မိန်းမနိုင်ငံရေးသမကြီးဆီကိုငွေလွှဲချင်လို့ကူညိပါတဲ့..။
စိတ်ထဲကချဉ်နေမိတာနဲ့မလွှဲပါနဲ့..ခင်ဗျားဆေးရုံကဆင်းတော့မှလွှဲပေါ့ဗျာ....။ ဘာညာဘာညာပြောတော့သူက..လုပ်ပါကွာ...ညီလေး
မှမကူညီရင်ညီလေးအစ်မ(သူ့မိန်းမကိုဆိုလိုတာပါ)ငွေလိုနေလို့ပါ.. ကျနော်လည်းပြောလိုက်တာပေါ့...
အစ်ကိုခုနကပြောတော့တစ်လကိုဒေါ်လာငါးထောင်လောက်သုံးလာတာဆို? ခုဒေါ်လာဘယ်လောက်တောင်လွှဲမှာလဲ? ဆိုတော့မလေးငွေ
နှစ်ထောင်(၂၀၀၀)တဲ့...အစ်ကိုကလည်းဗျာ..ငွေလေးနှစ်ထောင်များအရေးတကြီးလွှဲမနေပါနဲ့....။
အစ်ကိုကိုယ်တိုင်လည်းဘဏ်သွားနိုင်တာမှမဟုတ်တာ....ကျနော့်ကိုအစ်ကိုVisa ကဒ်ပေးရင်Passwordလည်းပေးရမှာပေါ့...။မကောင်းပါဘူးဗျာ......။သုံးလေးရက်
နေလို့အစ်ကိုဆေးရုံဆင်းတော့မှဘဏ်မှာအစ်ကိုကိုယ်တိုင်လွှဲပါဗျာ...လို့ပြောတော့.....။
အဲဒီအချိန်ထိစောင့်နေလို့မရဘူးညီလေးရဲ့...မင်းအစ်မဒုက္ခရောက်နေမှာပေါ့ကွာ..ကူညီပါ....။ လို့ထပ်ပြောနေတော့.....ကျနော်လည်းမငြင်းနိုင်ဘူးလေ...။ သူဘယ်လိုပဲရွှီးနေရွှီးနေလောလောဆယ်တော့ဒေါ်လာနှစ်ထောင်ကိုနှစ်ရက်လောက်မဆိုင်းနိုင်လောက်အောင် အခြေအနေဆိုးနေပြီဆိုတာကျနော်နားလည်လိုက်ပါတယ်။ ဟိုမှာလူတစ်ယောက်ငွေအရေးတကြီးလိုနေတဲ့အချိန်ပို့ရမယ့်သူကလည်းဆေးရုံပေါ်မှာဆိုတော့ဘာပဲဖြစ်ဖြစ်
ကုသိုလ်တော့ရမှာပဲလေဆိုပြီးခေါင်းညိမ့်လိုက်တာပေါ့..။သေချာအောင်သူ့ကိုထက်မေးတယ်.....
အစ်ကို့ဆီမှာလက်ကျန်ငွေဘယ်လောက်ကျန်သေးလည်းမှတ်မိလားပေါ့..။သူကNOK 10500 လောက်ရှိမယ်တဲ့.....။ဒါနဲ့ကျနော်လည်းချက်ချင်းနီးစပ်ရာဘဏ်ကိုသွားပြီး
မလေးရှားကိုငွေလွှဲတာပေါ့....မလွှဲခင်လေးမှာ ဘဏ်ရှေ့ကATMလေးမှာအဲဒီလူရဲ့ပြောထားချက်အရငွေငါးထောင်ထုတ်လိုက်ပါတယ်။
လွှဲစရာရှိတာလွှဲပြီးရင်ထုတ်ထားပြီးသားပိုငွေကိုသူကငွေသားအဖြစ်ယူထားမလို့ပါ ဆိုလို့ပြောပြီးငါးထောင်ထုတ်ခိုင်းလိုက်တာပါ။
ပြောဖို့လိုသွားတာတစ်ခုရှိတယ်ဗျ.......ငွေလွှဲတော့မယ်ဆိုရင်ဖြည့်ရတဲ့စာရွက်ကလေးပါ။ အဲဒီစာရွက်လည်းကျနော်ဖြည့်စရာမလိုပါဘူး။
အဲဒီလူကတစ်ခါတည်းဖြည့်ပြီးသူ့အိုင်ဒီကဒ်ပါကျနော့်ကိုထည့်ပေးလိုက်တော့အမြင်အားဖြင့် ကြည့်မယ်ဆိုရင်တော့အဆင်သင့်ပေါ့ဗျာ။
ဒါပေမယ့်ဘဏ်ကနေကျနော်တို့လည်းကိုယ့်အစားသူများနဲ့မလွှဲခိုင်းဖူးတော့ တကယ်လာလွှဲတဲ့သူရဲ့အိုင်ဒီပဲလိုတယ်ဆိုတာမသိဘူးလေ။
ပြီးတော့စာတတ်ပေတတ်ပုဂ္ဂိုလ်ကြီးရေးပေးလိုက်တဲ့ငွေလွှဲစာရွက်ကလေးမှာငွေလက်ခံမယ့်သူကို အီးလိုစာလုံးပေါင်းရေးထားတာမှားနေပြန်တယ်လေ..။ ကိုယ်နဲ့နှစ်ပေါင်းများစွာပေါင်းလာခဲ့တဲ့မိန်းမနာမည်တောင်မှန်အောင်မရေးတတ်သေးပါလားလို့ ကြံဖန်တွေးရင်းပြုံးလိုက်မိသေးတယ်။ အဲလိုမှားနေတာကျနော်မသိပါဘူး...။ဘဏ်ကလည်းဘယ်သိပါ့မလဲဗျာ.....။
ဖောင်စာရွက်မှာရေးထားတဲ့အတိုင်းသူတို့ကကွန်ပြူတာမှာသွင်းမှာပဲလေ...။
ကျနော်မသိဘူးဆိုတာကလည်းအဲဒီစာရွက်ဖြည့်တာကျနော်မဟုတ်သလိုသူ့မိန်းမရဲ့နာမည်လည်း
ကျနော်သိမထားပါ..ဒီတော့Checkမလုပ်ဘူးပေါ့။ဘဏ်ကကိစ္စဝိစ္စတွေပြီးတော့ကျေးဇူးရှင်ကို ပြေစာသွားပို့တော့သူကသေချာကြည့်ပြီးမှ   ''ဟာ                 သွားပါပြီကွာ.'' ဆိုပြီးထအော်တော့တာပါပဲ...။ဝက်ရူးများပြန်သွားသလားလို့ကျနော်တောင်တော်တော်လန့်သွား
မိတယ်.....:P ဒါနဲ့ကျနော်က ''ဘာဖြစ်တာလဲအစ်ကို၊ဘာသွားပါပြီဗျာလဲ?'' လို့မေးလိုက်တော့ ''ဒီမှာလေ......ငါ့မိန်းမနာမည်စာလုံးပေါင်း
ထားတာမှားနေတယ်..ငွေဘယ်လိုထုတ်လို့ရမှာလဲ'' တဲ့......။သူပြောနေတဲ့ပုံစံနဲ့လေကြောင်းအသွားအလာကကျနော်ညံ့ဖျင်းလို့ခုလိုမှား
သွားတာပါလို့ပြောချင်နေပုံပဲ...။ဒါနဲ့ကျနော်လည်းဒေါသထောင်းကနဲထွက်သွားပြီးတော့ ''ဒီမှာအစ်ကို...အစ်ကိုရေးထားပြီးသားစာရွက်
ကိုပဲကျနော်ယူသွားပြီးတင်လိုက်တာနော်..ပြီးတော့ပြန်စစ်ရအောင်လည်းအစ်ကို့မိန်းမနာမည်လည်း ကျနော်သိထားတာမဟုတ်ဘူး၊
အစ်ကိုကျနော့်ကိုဘာမှအပြစ်တင်နေစရာမလိုပါဘူး...မှားတာကအစ်ကိုရေးတာမပီပြင်လို့လည်း ဖြစ်ချင်ဖြစ်မယ်၊ဘဏ်ကမှားသွားတာလည်းဖြစ်ချင်ဖြစ်မယ် ။ ကြားထဲကကူညီပေးတဲ့ကျနော်ကတော့မမှားပါဘူး..ပြီးတော့အဲလိုမှားပါစေဆိုပြီးတမင်ညစ်ပတ်ရ အောင်လည်းကျနော့်အတွက်ဘာအကျိုးအမြတ်မှမရှိဘူးဆိုတာသိထားပါ'' လို့တုန့်ပြန်ပြောဆိုလိုက်တော့သူလည်းနားလည်သွားလား
မသိဘူး..ငြိမ်ကျသွားတယ်လေ..ဒါနဲ့ကျနော်လည်းမြင်ဖူးတာမှနာရီပိုင်းလောက်ပဲရှိသေးတဲ့ သူ့ရဲ့စိတ်ဓါတ်ကိုနည်းနည်းခန့်မှန်းသွားနိုင်ပြီး
ကိုယ့်ဖက်ကဘာမှမမှားမယွင်းရအောင် ATM မှာငွေထုတ်ခဲ့တဲ့စလစ်စာရွက်တွေ၊ဘဏ်ကပြေစာရယ်၊သူ့Visaကဒ်၊နောက်ပြီးတော့သူ့
အိုင်ဒီ....ဒါတွေကိုစနစ်တကျပြန်အပ်လိုက်တာပေါ့..။ တခုတော့ပြောစရာရှိတယ်...အဲဒါကသူ့ဘဏ့်အကောင့်မှာသူပြောထားသလို
ငွေတစ်သောင်းကျော်ရှိမနေတာပဲ..။အမှန်ကတော့ငွေကိုးထောင်လောက်ပဲရှိတာပါ..။ အတိအကျတော့ကျပ်တွေပြားတွေကအစကျနော်မမှတ်မိတော့ပါ။
အဲဒါကိုသူ့ကိုပြောပြတော့သူကလည်းဟုတ်မှာပေါ့တဲ့....ပေါ့ပေါ့ဆဆပဲ..။ကျနော်က အစ်ကို့ဘဏ်ကအစ်ကိုငွေသုံးထားတဲ့စာရင်းစာရွက်ပို့ပေးလားဆိုတော့ပို့ပေးတယ်တဲ့။ အိုခေပေါ့..ဒါဆိုအဲဒီစာရင်းစာရွက်လာရင်တိုက်ဆိုင်ကြည့်ပေါ့ဗျာ....။ဒါမှမဟုတ်အင်တာနက်ကနေ
ဝင်ပြီးအစ်ကို့ဆီမှာဘယ်နေ့ကဘယ်လောက်ဘယ်အချိန်မှာဝင်ထားတယ်၊ ဘယ်နေ့ကဘယ်လောက်ဘယ်အချိန်မှာထွက်သွားတယ်
ဆိုတာတိတိကျကျမှတ်တမ်းတွေရှိနေတော့ဖတ်ကြည့်ပေါ့ဗျာ....ဆိုပြီးပြောတော့.. ဒါပေါ့ကွာတဲ့...မင်းပြောတာမှန်ပါတယ်..ဘယ်လိုမှလိမ်ညာလို့
မရအောင်စာရင်းတွေကရှိနေမှာပါ...ဘာညာပြောပြီးပြီးသွားတယ်လေ..။ တစ်ထိုင်ထဲမှာပဲလူတစ်ယောက်ကိုမျက်မုန်းးကျိုးမိသွားတာ
ကျနော့်ဘဝမှာပထမဆုံးပါပဲဗျာ...။





နောက်နေ့ကြတော့လည်းပျင်းလို့ပါ....အားရင်လာခဲ့ပါဆိုတာနဲ့စိတ်ကိုထိန်းပြီးသွားလိုက်ပါသေးတယ်။
တကယ်ဆိုမသွားချင်တော့ပါဘူး..အဲလိုလူတွေနဲ့ဆက်ပြီးလည်းမပတ်သက်ချင်တော့ပါဘူး...။ ဒါပေမယ့်စောနကပြောသလိုငွေလွှဲစာမှာ
သူ့မိန်းမနာမည်စာလုံးပေါင်းမှားနေလို့မလေးရှားမှာငွေထုတ်လို့မရတာကိုသနားစဖွယ်တောင်းပန်ပြီး အတင်းခေါ်နေတာရယ်....နောက်ပြီး
ကျနော့်ပတ်စ်ပုိ့နဲ့လွှဲပေးထားတာရယ်ကြောင့်ဘဏ်ကိုကျနော်မသွားမဖြစ်တော့တာနဲ့ ''ဒီနေ့တော့သွားပြီးကူညီပေးလိုက်မယ်..ပြီးတာနဲ့
သူခေါ်တိုင်းငါဘယ်တော့မှမသွားတော့ဘူးဆိုပြီးဆုံးဖြတ်ချက်ချသွားလိုက်တာပေါ့.....''  ပြီးတာနဲ့သူ့ကိုပါတစ်ခါတည်းတစ်သက်လုံးအတွက်
နှုတ်ဆက်ပြီးပြန်လာခဲ့ပါတော့တယ်ဗျာ.....။အိမ်ရောက်ပြီးတစ်နာရီတောင်မပြည့်သေးဘူးဖုံးကဝင်လာပါပြီ.။ ''ညီလေးရေတဲ့..ငွေကမင်းပြောသလိုမဟုတ်ဘူးတဲ့...တစ်သောင်းကျော်ရှိနေတာတဲ့....။ ငါ့ကိုအခုပဲငါ့အိမ်နားကမြန်မာပြည်သားတစ်ယောက်ကဖုံးဆက်တယ်တဲ့..''
ဒါနဲ့ကျနော်လည်း''ခင်ဗျားလူဖုံးဆက်တာကျနော်ဘယ်လိုလက်ခံလို့ရမှာလဲဗျာ....
ခင်ဗျားကိုယ်တိုင်အိမ်ပြန်ရောက်မှအင်တာနက်မှာကြည့်ရင်ကြည့်၊
ဒါမှမဟုတ်လကုန်ဘဏ်ကစာရင်းစာရွက်ပို့တဲ့အခါကြည့်ရင်ကြည့်..ဒီလိုမှအမှန်သိရမှာမဟုတ်ဘူးလား?'' လို့ပြန်မေးတော့...''ငါလည်းဘယ်သူ့ကိုမှပြန်မပြောပါဘူးကွာတဲ့'' ....ဟာ....ပြန်မပြောပါဘူးဆိုတဲ့စကားက ကျနော့်စေတနာကိုစော်ကားပြီးမဟုတ်ကဟုတ်ကတွေးလိုက်တာပဲလေ..။
ဒီမှာတင်ဒေါသပေါက်ကွဲသွားပြီး ''ခင်ဗျားလူကြီးဖြစ်ပြီးဘာစကားပြောတာလဲဗျ....တကယ်ဆိုခင်ဗျားကိုဘာမှမဆိုင်ပဲအချောင်သက်သက် ကူညီပေးတဲ့ကျနော့်ကိုခင်ဗျားဒီလိုစွပ်စွဲဖို့မကောင်းပါဘူး..... အထောက်အထားခိုင်ခိုင်လုံလုံမရှိပဲဘာကြောင့်ခင်ဗျားကျနော့်ကိုစွပ်စွဲတာလဲ?'' လို့မေးတော့သူက ''မင်းလွှဲပေးမယ်ဆိုလို့ငါကယုံယုံကြည်ကြည်နဲ့ဘဏ်ကဒ်ထည့်ပေးလိုက်တာခုလိုလုပ်တာတော့ မကောင်းပါဘူးကွာ...မင်းဘာလို့အဲလိုလုပ်ရတာလဲ...တကယ်ဆိုငါ့မှာ တခြားလူတွေအများကြီးရှိနေတာမင်းကိုယုံမိတာငါ့အမှားပဲ'' တဲ့...။ တောက်.......စဉ်းစားကြည့်ပါဗျာ..ကျနော့်ဖာသာ
ကျနော်အိမ်မှာအေးအေးနေတာကိုသူပဲဖုံးဆက်ခေါ်ပြီးငွေလွှဲပေးခိုင်းတယ်.....။ ဖုံးဆက်ခေါ်တုန်းကငွေလွှဲခိုင်းမယ်ဆိုတာမပြောပဲဟိုရောက်မှမငြင်း
နိုင်အောင်သနားစဖွယ်ပြောပြီးအကူအညီတောင်းတာကသူ..။ ခုတော့ကျနော်ကလိမ်ညာချင်လို့အတင်းပဲသွားငွေလွှဲပေးသလိုဖြစ်သွားအောင်သူပြောနေတာလေ...။ ကျနော်လည်း ''ခင်ဗျားဘာမှအပိုတွေလျှောက်ပြောမနေနဲ့...ခင်ဗျားကိုကူညီမယ့်သူတွေရှိတယ်ဆိုတာ ချီးစားပြောတောင်မယုံဘူးလို့၊ကျနော်တောင်ခင်ဗျားအကြောင်းမသိလို့ကူညီမိတာလို့.....
ခုကိစ္စကလည်းကျနော်ဘာတစ်ခုမှအမှားမလုပ်ထားဘူးလို့....ခင်ဗျားနောက်နောင်ကို
ကျနော့်ဆီဘယ်တော့မှဖုံးဆက်ဖို့မကြိုးစားပါနဲ့လို့ '' ပြောပြီးဖုံးချပစ်လိုက်တယ်လေ..။အသားတွေတောင်တဆတ်ဆတ်တုန်လာတဲ့အထိဒေါသထွက်
ရတယ်ဗျာ...ဘယ့်နှယ်ဗျာ...ကျေးဇူးတင်တယ်လို့တစ်ခွန်းမှမပြောပဲဘလိုင်းကြီးစော်ကားနေတော့ ဆွဲတောင်ထိုးပစ်ချင်လာတယ်...။ကျနော်ဖုံးချလိုက်တော့နောက်တစ်ခါဖုံးပြန်ဆက်လာတယ်....။ 
''မင်းငါ့ပိုက်ဆံတွေခိုးလိုက်တာမဟုတ်လားတဲ့...''  ကျနော်ဘယ်လိုမှထိန်းလို့မရတော့ဘူး...။
လူကြီးတစ်ယောက်ဆိုတဲ့အသိလည်းကျနော့်မှာမရှိတော့ဘူး..။
ဒေါသအလိပ်လိုက်ထွက်လာပြီးဒီလိုပြောလိုက်တယ်...။
''ခင်ဗျားဆီမှာလောဘတွေတော်တော်များနေပြီနော်..သေခါနီးနေပြီဆိုတာသတိထားပါ...။ နောက်ပြီးဘဏ်ကစာရင်းစာရွက်မပြပဲကျနော့်ကို
တစ်ဖက်သတ်စွပ်စွဲနေတာလည်းလွန်နေပြီနော်....အထောက်အထားရှိတဲ့နေ့ကြရင်ကျနော်ဘယ်မှ ထွက်မပြေးဘူး..ကြိုက်တဲ့အချိန်လာခဲ့ပါ..ရှင်းဖို့အသင့်ရှိနေပါတယ်..
နောက်ပြီးကျနော့်သမိုင်းမှာလည်းခင်ဗျားလုပ်ခဲ့သလိုသူတစ်ပါးမျက်ရည်ကျအောင် လိမ်ညာခဲ့တာတွေမရှိခဲ့ဖူးဘူး။
နောက်လည်းရှိလာမှာမဟုတ်အောင်ကျနော့်မိဘတွေကသင်ပေးပြီးသား...။ ခင်ဗျားသာမိဘမဆုံးမခဲ့လို့ကိုယ်ကိုယ်တိုင်ကလေးအပျိုမတွေ၊လူပျိုသား
လေးတွေရှိနေတဲ့အထိယုတ်မာနေတာ....ခင်ဗျားမြန်မာပြည်မှာကျနော့်အကြောင်းသေချာစုံးစမ်းလိုက်ဥိး...
လိုအပ်ရင်လိပ်စာတောင်ပေးလိုက်ဦးမယ်'' ပေါ့။
သူကသူ့မကောင်းတဲ့အကျင့်တွေကျနော်ဖော်ထုတ်ပြောလိုက်တော့
(ဒါတွေကလည်းသူနဲ့ပထမဆုံးတွေ့တဲ့နေ့မှာပဲသူပြောပြလို့သိရတာပါ)အနာပေါ်တုတ်ကျ
သွားတယ်ထင်ပါရဲ့..ကျနော့်ကိုပျစ်ပျစ်နှစ်နှစ်ဆဲပါလေရော...ရေးပြလို့မရအောင်ကိုရိုင်းရိုင်းဆိုင်းဆိုင်း ဆဲနေတော့ကျနော်လည်းစိတ်တော်တော်ရှုပ်ပြီးဖုံးချထားလိုက်တယ်...။ မကြာပါဘူးခဏနေတော့ပြန်ဖုံးဆက်လာတယ်လေ......ကိုင်လိုက်တာနဲ့ကျနော်ကစပြီး ''ခင်ဗျားကျနော့်ကိုစွပ်စွဲသလိုအထောက်အထား
ပြနိုင်ပြီဆိုမှဖုံးဆက်ပါ..ဒါမှမဟုတ်ရင်ကျနော့်ကိုလုံးဝဖုံးမခေါ်ပါနဲ့'' လို့ပြောလိုက်တော့မအေနှမတွေနဲ့ကိုင်တုတ်ပြီး ''မင်းငါ့ပိုက်ဆံပြန်ပေးမလားမပေးဘူးလား'' တဲ့။
ကျနော်က ''ခင်ဗျားပိုက်ဆံတစ်ပြားတစ်ချပ်မှကျနော်မယူထားဘူးနော်... ကျနော့်အိတ်ထဲကစိုက်ပြီးတောင်(ကားခတွေ၊ခင်ဗျားအဖို့ယူလာတဲ့စားစရာတွေ)သုံးထားသေးတာ.
ခင်ဗျားမတရားမပြောပါနဲ့....ခင်ဗျားတော်တော်လွန်နေပြီ'' လို့ပြောတော့...''အေးးးဒါဆိုငါ့အကြောင်းမင်းသိရမယ်...မကြာခင်ငါရဲခေါ်ပြီးမင်းအိမ်လာခဲ့မယ်..အဲဒီ
အခါကြတော့မှမင်းခိုးထားလားမခိုးးထားလားဆိုတာသိရမှာပေါ့ကွာ'' တဲ့ဗျာ..။







အမှန်ကနော်ဝေမှာသူပြောသလောက်ပြစ်မှု့ကျူးလွန်ဖို့မလွယ်ပါဘူး..။
ကျူးလွန်ပြီးရင်လည်း 100% ပြေးမလွတ်ပါဘူး..။ လူတစ်ယောက်စီရဲ့အသေးစိတ်ဘိုင်အိုတွေ၊သက်ဆိုင်တဲ့အချက်အလက်တွေသိမ်းဆည်းထားတတ်တဲ့ ဒီလိုနိုင်ငံမျိုးမှာပြစ်မှု့ကျူးလွန်သူတွေအတွက်ဘောင်အရမ်းကျဉ်းသွားပါတယ်...။ ဦးဏှောက်မရှိတဲ့လူတစ်ချို့သာsystemတွေသဘောမပေါက်လို့လုပ်ချင်ရာလုပ်လို့ရမယ်ထင်နေကြတာပါ။
ခုကျနော်တို့ကိုင်ထားတဲ့ဖုံးနံပါတ်တွေကိုနှိပ်လိုက်တာနဲ့တင်ကျနော်ရဲ့လိပ်စာကအစ၊
ကျနော်ဘာကောင်လည်းဆိုတာရဲတွေရှာလို့ရပါတယ်..။အဲလိုလုံခြုံရေးတင်းကြပ်ထားတာပါ..။ 
ဒါကိုဒီလူကကျနော်မယူထားပဲယူထားတယ်လို့ပြောင်လိမ်ပြီးရဲနဲ့လာဖမ်းခိုင်းမယ်..
ဘာညာပြောတော့ကျနော်တော်တော်မုန်းသွားတယ်ဗျာ..ရွံလိုက်တာလည်းမပြောပါနဲ့တော့..။
ခဏတော့ရှက်ပြီးငိုလိုက်မိသေးတယ်....တော်သေးတာပေါ့အိမ်မှာကကျနော်တစ်ယောက်ထဲမို့ငိုလိုက်တာ ဘယ်သူမှမသိလိုက်ဖူးလေ..:P
အဲဒီနောက်နေ့ကျနော်လည်းအလုပ်ကခရီးသွားရမယ်ဆိုတော့ချက်ချင်းထထွက်သွားလိုက်ပါတော့တယ်....။ ဒီအယုတ်တမာကောင်လည်းကျနော့်ဆီ
ဖုံးမဆက်သေးပါဘူး...။ဘယ်လိုမှလိမ်ညာလို့မရတဲ့ System တွေရှိနေရဲ့သားနဲ့ဗျာ.....မသေချာပဲဘလိုင်းကြီးစွပ်စွဲရက်တယ်..အံ့ရော..။
အဲလောက်ပိုက်ဆံလေးကတကယ်ဆိုဘာမှမဟုတ်ဘူး....သူပြောသလိုသူ့လို International Business Man အနေနဲ့ဆိုကွမ်းဖိုးလောက်ပဲရှိတာပါ။
သူကွာနေတယ်ပြောတဲ့ငွေအတိုင်းအတာကလည်းမြန်မာငွေနှစ်သိန်းတောင်မပြည့်ပါဘူး...။ အဲလောက်ငွေလေးနဲ့ ကိုယ့် Future ကိုဖျက်ဆီးရဲတဲ့သတ္တိကျနော်မမွေးရဲသေးပါဘူး။
အချဉ်ထင်ပြီးကျနော့်ကိုအချဉ်လာဖမ်းဖို့ကြိုးစားတာနေမှာပါ...။ ငွေလေးနှစ်သိန်းနီးပါးပါဗျာ........တကယ်ပါ..ဟူးးးးတော်တော့်ကိုမလွယ်တဲ့လူကြီး...
ဘန်ကောက်မှာ၊မလေးရှားမှာလူဘယ်နှစ်ယောက်ကိုလိမ်ညာခဲ့သလဲဆိုတာဘုရားသခင်ပဲသိပါလိမ့်မယ်...။ သေခါနီးကံကောင်းလို့နော်ဝေရောက်လာပြီးတာတောင်အကျင့်
ဟောင်းကမပျောက်နိုင်သေးတော့လည်းသူ့ကုသိုလ်ကံပေါ့ဗျာ...။ ပြောချင်တာကသူငယ်ချင်းတို့ကျနော့်လိုအယုံမလွယ်ကြစေဖို့ပါ..
အကူအညီလိုတဲ့အခါမှာတော့တောင်းပန်ပြီးအကူအညီတောင်းဖို့ဝန်မလေးတတ်ပေမယ့် အကူအညီယူပြီးရင်ခေါင်းပေါ်ဟိုဒင်းတက်လုပ်သွားချင်တဲ့လူစား
တွေကိုပေါ့.....။ခုကိစ္စနဲ့ပတ်သက်ပြီးဘယ်သူဘယ်ဝါဆိုတာတိတိကျကျသိချင်ရင်တော့ဆက်သွယ်လိုက်ပါ..။ ကျနော့်ဖက်ကအမှားတစ်ခုမှလုပ်ထားတာမရှိခဲ့လို့
ဘယ်သူ့ကိုမှလည်းမကြောက်ပါ.....သူကိုယ်တိုင်(သို့မဟုတ်)သူ့လူတစ်ယောက်ယောက်များဒီပို့စ်ဖတ်မိပြီး ဝေဖန်ချင်တာများရှိရင်အချိန်မရွေးဆက်သွယ်နိုင်ပါတယ်။
ဘလိုင်းကြီးအသရေဖျက်ခံရလို့ကမုးရှုးထိုးရေးချလိုက်တာမဟုတ်ပါ။ သေချာစဉ်းစားပြိးမှရှောင်သင့်တာရှောင်လို့ရအောင်ရေးလိုက်တာပါ။
အရေးအသားညံ့ဖျင်းလို့ဟာနေတာတွေ၊သဘာဝမကျတာတွေရှိနေခဲ့ရင်လည်း တိတိကျကျရှင်းပြဖို့အဆင်သင့်ပါ။ ခုထက်ထိတော့ဘာဖုံးမှမလာသေးပါဘူးး..
လာခဲ့ရင်လည်းလာတဲ့အချိန်မှာရှင်းဖို့စောင့်မျှော်နေဆဲပါ။ ဟိုဒင်းအချိန်မစီးတဲ့လောကအမှိုက်အရှုပ်ထုပ်ကြီးရေ.......Wellcomeပါဗျို့........Everytime Wellcomeပါ။




လတ်တလောကြုံတွေ့လိုက်ရတဲ့ပြသနာတစ်ခုကိုဖတ်လိုက်ရလို့အနှောက်အယှက်များဖြစ်သွားကြရင် တောင်းပန်ပါတယ်စာဖတ်နေတဲ့သူငယ်ချင်းတွေရေ.....။အဲဒီလိုလူတွေ ''ငတေစိတ်ရှိသူတွေ၊အချောင်သမားစိတ်ရှိသူတွေ'' ကိုသတိထားနိုင်အောင်လို့ခင်မင်စွာ လက်တို့လိုက်တာပါ။

ခင်မင်လေးစားစွာဖြင့်

ချင်းကလေး
9 Responses
  1. Anonymous Says:

    ချင်းကလေး ရေ

    မြန်မာပြည်သား အချင်းချင်း ဖြစ်နေတာတောင် ရှက်စရာကောင်းလှပါပြီ

    စိတ်ထဲထားမနေပါနဲ့ သူဘယ်လိုလူလည်း ဆိုတာ သိပြီး သားဘဲဥစ္စာ

    စိတ်မကောင်းပါဘူး

    ရွှေစင်ဦး

  2. Anonymous Says:

    ဒီလူ့စရိုက်က စိတ်မူမမှန်တော့တဲ့ လူတစ်ယောက်ရဲ့ အပြုအမူပါဘဲ။
    ဘာဘဲဖြစ်ဖြစ် ခွေးရူးကိုက်ရင် သေတတ်တယ်ဆိုတာသတိပြုပါ။

  3. Candy Says:

    အစ်ကိုချင်းကတော့ ဖြစ်ရမယ်... ကိုယ်နဲ့ ခုမှတွေ့ဖူးတဲ့လူကို ပိုက်ဆံကိစ္စ လုပ်ပေးရတယ်လို့... အစ်ကိုလည်း မမှားပါဘူး... ကန်ဒီဆိုလည်း လုပ်ပေးမိမှာပဲ.. အဲ့ဒီလူကြီးက မစဉ်းစားမိဘူးလား မသိဘူးနော်.. ဒီလောက်တိုးတက်နေတဲ့ခေတ်ကြီးမှာ bank account ကို စစ်ဆေးလို့ရတယ်ဆိုတာ.. ဒါပေမယ့်အစ်ကိုတစ်ခုတော့ သတိထားနော်.. သူက cash လိုချင်တယ်ဆိုပြီး အစ်ကို့ကို ၅၀၀၀ ထုတ်ခိုင်းသေးတာ အကြံအစီတစ်ခုခုတော့ ရှိရမယ်...
    ပုံ
    စုံထောက်ချိုချဉ်.. :P

  4. jasmine(တောင်ကြီး) Says:

    နောက်တစ်ခါဆိုဘယ်နေရာမှာပဲ
    ဖြစ်ဖြစ်နော်...သိသွားပြီမဟုတ်လား
    ကိုယ်ကရှောင်လိုက်ပေါ့....
    လူတိုင်းကိုလဲ ကိုယ့်လိုပဲလို့ မထင်ပါနဲ့
    ကြီးပြင်းလာတဲ့ ပတ်ဝန်းကျင်
    အသိုင်းအ၀န်း ကွာသေးတယ်လေ....
    အားလုံးကတော့ လူထဲကလူတွေပါပဲ...
    ဒါမျိုးကလဲ ခံဖူးမှသိတာနော်...

  5. zp Says:

    ကိုချင်းရေ..နော်ဝေမှာ ဒီလ၀င်ငွေ ထွက်ငွေသိချင်ရင် လမကုန်ခင် မှာလည်း ၁ရက်က စပြီး ဒီနေ့အထိ ဆိုပြီးတောင်းလို့ရတယ်..မြန်မြန် ရှင်းတမ်း လုပ်ပါ...စိတ်မကောင်းပါဘူး..

  6. KMC@ချင်းလေး Says:

    @မရွှေစင်ဦး..နှစ်သိမ့်ပေးတာကျေးဇူးတင်ပါတယ်ဗျာ..။ @Anonymousခွေးရူးကိုက်ရင်သေတတ်ပါတယ်..မှန်ပါတယ်။ ထို့ကြောင့်နောက်တစ်ခါအကိုက်မခံရအောင်သတိထားနေပါ့မယ်..။ ခုလိုသတိပေးတာကျေးဇူးတင်ပါတယ်။ @ညီမကန်ဒီနဲ့မမဂျပ်စ်မင်း..ခုလိုသတိပေးတာရယ်၊အကြံဥာဏ်ပေးတာရယ်ကြောင့် ကျေးဇူးအထူးနော်..။ @ကိုZPရေ..ဒီလူဆေးရုံမဆင်းသေးလို့ပါ..ဆင်းသွားတာနဲ့ဒီကိစ္စကိုရှင်းခိုင်းမှာပါ။ ခုလိုပြောပြပေးတာကျေးဇူးအရမ်းတင်တယ်အစ်ကို..။ အားလုံးကိုလေးစားလျက်(ချင်းကလေး)

  7. အိမ်မက်စေရာ Says:

    လူတွေက ဒီလိုပဲ ကိုယ်က အားနာလိုက်လျောတက်ပြီဆိုရင် သူတို့က ခုတုံးလုပ်ပြီး အသုံးချတော့တာပဲ.... ဘာမှ စိတ်မကောင်း မဖြစ်နဲ့တော့ .. တကယ် ဒီလိုလူမျိုးက ရွံစရာ

  8. mstint Says:

    ဗြဟ္မစိုရ်တရားတွေ တဖြည်းဖြည်းခေါင်းပါးလာပြီမို့ ဒီလိုအဖြစ်အပျက်လေးတွေကို ကြုံတွေ့လာရတာပေါ့ ချင်းကလေးရယ်။
    ခံစားချက်တွေပေါက်ကွဲလိုက်တော့ နည်းနည်းတော့သက်သာသွားမှာပါ။
    ဘယ်သူတရားပျက်ပျက် ကိုယ်မပျက်ဖို့လိုတယ်။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

  9. KMC@ချင်းလေး Says:

    @ညီမအိပ်မက်ရေ....ဖြစ်လာသမျှကံအကြောင်းကိုပဲကျေနပ်ရမှာ ပေါ့နော်..။အားပေးနှစ်သိမ့်တာကျေးဇူးအရမ်းတင်ပါတယ်ဗျာ....။ @လေးစားရပါသောအန်တီတင့်ရေ..အန်တီပြောသလိုဘယ်သူတ ရားပျက်ပျက်ကိုယ်မပျက်ဖို့ပဲ(မလွယ်ပေမယ့်)ကြိုးစားနေလျက်ပါ အန်တီ..။အန်တီပေးတဲ့ဆုနဲ့ပြည့်ပါရစေဗျာ။အန်တီအပါအဝင် ဘလော့ဂါမောင်နှမတွေရော၊ကမ္ဘာ့လူသားတွေအားလုံးပါ ဘေးရန်ခပ်သိမ်းကင်းဝေးကြပြီးလူအချင်းချင်းဖျံကျခံရခြင်းမှ လွတ်ကင်းနိုင်ကြပါစေလို့လေးလေးနက်နက်ဆုတောင်းလျက်ပါ။ အားလုံးကိုကျေးဇူးတင်ပါတယ်။

abcs