ကြိုးပြတ်ကျသူများ

ကျနော်တို့ထဲကကြယ်ကလေးတစ်လုံးကြွေကျခဲ့တာပါ။ကျနော်တ်ို့လှမ်းဆွဲမထားနိုင်ခဲ့ကြလို့ အတော့်ကိုဝမ်းနည်းကြေကွဲခဲ့ရတယ်။ကျန်ရစ်ခဲ့တဲ့သူငယ်ချင်းတစ်တွေ မျက်ရည်ကလေးစမ်းတမ်းစမ်းတမ်းနဲ့ သူမလိုက်သွားရာအရပ်ဆီဝိုင်းပြီး ငေးမောနေမိကြတယ်..။ကျနော်တို့အပေါ်လောကဓံရဲ့ပထမဦးဆုံး ထိုးနှက်ချက်ဖြစ်တာမို့ အတော်ကလေးကိုခံစားခဲ့ရပါတယ်။ ဒါပေမယ့်ရက်ကိုလစားတော့လည်းခွဲခွါသွားသူ အတွက်အရိုးပဲကျန်တတ်ပါတယ်။သူ့ခရီးလမ်းသူလျှောက်လှမ်းသွားခဲ့ပြီမို့ နောက်တော့လည်းကျနော်တို့နေသားကျခဲ့ပါပြီ....။






ကျနော့်ဘဝတစ်သက်တာမှာ လပြည့်ဝန်းမျက်နှာလေးဆိုလို့တစ်ခါပဲမြင်ဖူးခဲ့ပါတယ်။ ပြည့်ဝန်းကြည်မြလှတဲ့လမင်းကြီးတောင်သူ့လောက်ကြက်သရေမရှိဘူးလို့ထင်ခဲ့မိတဲ့အချိန်ဟာ ဟိုးလွန်ခဲ့တဲ့ဆယ်ကျော်သက်အရွယ်တုန်းကပေါ့။ကျောင်းတော်မှာတော့ကြယ်ငါးပွင့်လို့တောင်တင်စားခံခဲ့ရတဲ့ သူမအပါအဝင်သူငယ်ချင်းငါးယောက်တို့ဟာတတွဲတွဲနဲ့ဖွဲ့စည်းပုံအလွန်ခိုင်မြဲခဲ့ကြတယ်။ ဒီအချိန်မှာကျနော်ဟာတစ်ကိုယ်တော်ကြယ်တစ်ပွင့်......။
တစ်နေ့........
ကျနော်အကြော်ဆိုင်တစ်ဆိုင်မှာဘူးသီးကြော်မှာစားနေတုန်းသူမတို့အုပ်စုရောက်ရှိလာပြီး ဝိုင်းချင်းကပ်လျက်စားပွဲခုံမှာထိုင်ကြတယ်.။ရုတ်တရက်လှည့်ကြည့်မိလိုက်တဲ့ကျနော်......................။
အမှောင်မျက်ဝန်းအာရုံထဲလပြည့်စက်ဝိုင်းကြီးပစ်ဝင်လာသလိုမျိုးခံစားလိုက်ရတယ်။
ဒါဟာသာမန်လူတစ်ယောက်ရဲ့နှလုံးခုံစက်ကိုကံတရားကစတင်နှိုးဆော်လိုက်ခြင်းလည်းဖြစ်နိုင်ပါတယ်။ သူမကိုဒုတိယအကြိမ်မြောက်လှမ်းကြည့်မိတော့ရိပ်မိသွားပြီးကျနော့်ကိုတန်ပြန်အကြည့်များနဲ့ခံပစ်တော့တယ်။
ဒီတွင်ပဲအဖိုနဲ့အမ မတူညီတဲ့လျှပ်စစ်ကြိုးစနှစ်ခုထိခတ်သွားသလိုမျိုး၊ မိုးကြိုးမဟုတ်တာတောင်မှ မီးတော့အနည်းငယ်ပွင့်ကောင်းပွင့်လိမ့်မယ်လို့တထစ်ချယုံကြည်ရပါတယ်။ဒါပေမယ့်နှစ်ဦးစလုံးရဲ့
အိဒြေ္တွကဖုံးကွယ်နိုင်လွန်းသဖြင့်ဘာမှမဖြစ်သလိုရှိခဲ့ကြပါရဲ့။သူမအဖို့တော့ဘယ်လိုရှိမလဲကျနော်မသိဘူး။
ကျနော်တော့အဲဒီညကအိပ်မက်ထဲ နှစ်ဆယ့်လေးနာရီမက လပြည့်ဝန်းကြီးသာလို့...။






နောက်တော့ကျနော်ဟာသူတို့ငါးယောက်ထဲကသူမကိုအလွန်အမင်းစိတ်ဝင်စားသွားတော့ သူမဟာ လပြည့်ဝန်းအဖြစ်ပိုမိုခိုင်မြဲသွားပြီးကျန်တဲ့လေးယောက်ကတော့အရန်ကြယ်လေးလုံးဖြစ်သွားတော့တယ်။
ဒါပေမယ့်ကျနော်ဟာလပြည့်ဝန်းကြည့်သူပါ။
လပြည့်ဝန်းကြီးကိုရင်ထဲပြုတ်ကျအောင်ခြွေချမယ့်တံချူတံတစ်ချောင်းမဟုတ်ခဲ့ပါ။ ပန်းပန်လိုသော်လည်း ပန်းမခူးဝံ့သူကျနော်မျိုး ဥယျာဉ်မှူးပါ။တကယ်လို့များသူမဟာ ငှက်ကလေးတစ်ကောင်အဖြစ် အယောင်ဆောင်ပြီးကျနော့်နှလုံးသားသစ်ကိုင်းမှာလာနားမယ်ဆိုရင်တော့...
ကျနော့်အတွက်စိတ်ကူးယဉ်လွန်ခြင်းသာဖြစ်ပါလ်ိမ့်မယ်။ မှန်ပါတယ်။
သူမရဲ့မိဘတွေဟာလက်ညှိုးညွှန်ရာရွှေဖြစ်နေကြတဲ့ ဂုဏ်ဓနတန်ခိုးရှင်တွေပါ။ ကျနော်ကတော့မိရိုးဖလာဆင်းရဲနွမ်းပါးခဲ့တဲ့ကျောမွဲပြိတ္တာတစ်ကောင်ပေါ့။
ဒီတော့အနိမ့်အမြင့်ကတောင်ထိပ်နဲ့တောင်ခြေလိုကွာခြားလွန်းလှပါတယ်။
ဒါကြောင့်မို့ခုန်ခဲ့တဲ့နှလုံးကို သူမမသိခင်အသာဖုံးဖိပြီးမိတ်ဆွေအဖြစ်နဲ့ပဲကျနော်ဟာရိုးသားစွာ သရုပ်ဆောင်လိုက်ရပါတော့တယ်။
အမှန်တကယ်လည်းသူမတို့သူငယ်ချင်းတစ်သိုက်ဟာကျနော့်အပေါ်အစ်ကိုအရင်းတစ်ယောက်လိုပဲ မှတ်ပုံတင်လိုက်ကြပါတော့တယ်။ဒီအတွက်ကျနော်ဟာတစ်မျိုးတစ်ဖုံ ဝမ်းသာကြည်နူးခဲ့ရပါတယ်။
ဒီလိုရိုးသားစွာဆက်ဆံခွင့်ရတဲ့အတွက်စစ်မှန်တဲ့ခင်မင်မှု့တွေဖြစ်ပေါ်လာပြီး
ယခင်ကြယ်ငါးပွင့်ရဟိုတယ်တစ်ခုဟာကြယ်ခြောက်ပွင့်အဖြစ်အဆင့်တိုးမြှင့်သတ်မှတ်ခြင်းခံခဲ့ရပါတယ်။
အဲဒီအချိန်မှာကျနော်ဟာသူတို့ရဲ့နာမည်များကိုခေါ်နေကြအတိုင်းအလွတ်ရလာပါတယ်။
ခင်နှင်းသူဇာ၊မိုးမာလာ၊ကြည်ပြာရွှန်းဝင့်၊ခိုင်ဇင်တင့်၊မိုးမြင့်ဝန်းဝါ ဆိုတဲ့ကြယ်စင်ငါးလုံးကြားကို ထိုးကျလာတဲ့အရန်ဂြိုလ်တစ်လုံးရဲ့အမည်သညာကတော့ နိုင်မိုးစွေ၊၊ ဒါပေမယ့်.......။




သူတို့ကျနော့်ကို ကိုနိုင်ကြီးလို့ဝိုင်းပြီးကင်ပွန်းတပ်လိုက်ချိန်မှာတော့ နိုင်မိုးစွေဆိုတဲ့အမည်ရင်းဟာ တံတားဆွေးပြီးကျိုးကျသလိုမျိုး 'နိုင်' ဆိုတဲ့တိုင်တစ်လုံးပဲထောင်ရက်သားကျန်ခဲ့တယ်။ ဒါပေမယ့်သူမကတော့ 'ကြီး' ထည့်မခေါ်ရက်ရှာပါဘူး။ ကိုနိုင်လို့ပဲတယုတယခေါ်ဆိုခဲ့ပါတယ်။
ဒီလိုနဲ့ပဲကျနော်ဟာ ရေခေါင်းထိုးတဲ့မြစ်ကမ်းပါးလိုတစ်စတစ်စပြိုကျ၊၊ ဒါပေမယ့်ကျနော်ပျော်ပါတယ်။
အဲဒီအချိန်မှာပဲဝမ်းနည်းစရာတစ်ခုကကျနော်တို့သူငယ်ချင်းတစ်သိုက်ရဲ့မိတ်ဖွဲ့စာအုပ်လေးထဲက စာမျက်နာတစ်ရွက်ဟာရုတ်တရက်ဆုတ်ဖြဲခံလိုက်ရပါတယ်....။ ပုံပမာပြရမယ်ဆိုရင်တော့
လက်ခြောက်ဖက်ရှိတဲ့နတ်ရုပ်ကလေးတစ်ရုပ်ရဲ့လက်တစ်ဖက်ပြတ်ကျသွားသလိုမျိုးပေါ့။
ခင်သူဇာသူ့ချစ်သူနောက်လိုက်သွားပြီတဲ့။

ကျနော်တို့ထဲကကြယ်ကလေးတစ်လုံးကြွေကျခဲ့တာပါ။ကျနော်တ်ို့လှမ်းဆွဲမထားနိုင်ခဲ့ကြလို့ အတော့်ကိုဝမ်းနည်းကြေကွဲခဲ့ရတယ်။ကျန်ရစ်ခဲ့တဲ့သူငယ်ချင်းတစ်တွေ မျက်ရည်ကလေးစမ်းတမ်းစမ်းတမ်းနဲ့ သူမလိုက်သွားရာအရပ်ဆီဝိုင်းပြီး ငေးမောနေမိကြတယ်..။ကျနော်တို့အပေါ်လောကဓံရဲ့ပထမဦးဆုံး ထိုးနှက်ချက်ဖြစ်တာမို့ အတော်ကလေးကိုခံစားခဲ့ရပါတယ်။ ဒါပေမယ့်ရက်ကိုလစားတော့လည်းခွဲခွါသွားသူ အတွက်အရိုးပဲကျန်တတ်ပါတယ်။သူ့ခရီးလမ်းသူလျှောက်လှမ်းသွားခဲ့ပြီမို့ နောက်တော့လည်းကျနော်တို့နေသားကျခဲ့ပါပြီ....။
ကျန်ခဲ့တဲ့သူငယ်ချင်းငါးယောက်ကိုပဲကွန်အိမ်ပြန်ဖွဲ့ပြီးစာသင်ခန်းရက်စွဲများစွာကိုဖြတ်ကျော်ခဲ့ရပါတယ်။



ကြယ်တစ်လုံးပဲကြွေပါ့မယ်လို့ဘယ်တုန်းကမှအာမမခံခဲ့တဲ့ညကောင်းကင်ဟာရုတ်တရက် ရက်စက်စွာကြယ်တစ်လုံးကိုခြွေချလိုက်ပြန်ပါပြီ။မိုးပေါ်ကကျနော်တို့သစ်ကိုင်းရဲ့ပန်းကလေး မိုးမာလာကြွေပြန်ပြီတဲ့။ မိဘတွေကအတင်းပေးစားလို့လျှောင်နောက်ဆံထုံးပါဖြစ်ကာကျနော်တို့ဆီ မိုးမာလာမလာနိုင်ရှာတော့ပါဘူး။
ဒီတော့မိုးမာလာလည်းကျနော်တို့ရဲ့မိတ်ဖွဲ့စာအုပ်ကလေးထဲကထွက်ကျသွားတဲ့စာရွက်တစ်ရွက်ပေါ့။
သည်လိုနဲ့ကျန်ရစ်ခဲ့တဲ့သူငယ်ချင်းလေးယောက်ဟာသင်္ဘောတစ်စင်းရဲ့
အင်ဂျင်စက်လေးလုံးပမာဆက်လက်ခုတ်မောင်းခဲ့ရတယ်။






လောကနိယာမတစ်ခု၊
ပေါင်းစည်းလာသူမှန်သမျှတနေ့ကျရင်ခွဲခွါကြရမယ်လို့ဟောကိန်းပုံသေနည်းထုတ်ထားတဲ့အတွက်  လူသားသမင်ပျိုတစ်အုပ်ကိုကံကြမ္မာကျားဆိုးကလစ်ရင်လစ်သလိုဝင်ဆွဲသွားမှာဖြစ်ပါတယ်။
အနှစ်နှစ်အလလသံယောဇဉ်ချင်းသွေးနှောလာကြပြီးမှရုတ်တရက်ပြတ်ပြတ်ကျတတ်တဲ့ကြိုးတွေကို နှလုံးသားရှိသူတိုင်းနာကြည်းကောင်းနာကြည်းမိကြပါလိမ့်မယ်။
ဘယ်လိုပင်နာကြည်းနာကြည်း၊လောကနိယာမရဲ့အပစ်အခတ်ကတော့ လက်လျှော့ပေးမှာမဟုတ်ပါဘူး။ ဟော....ကြည့်ပါဦး။ကံကြမ္မာဓားကဖြတ်ချလိုက်ပြန်ပြီကြိုးတစ်ချောင်း။
ကြည်ပြာရွှန်းဝင့်
သူ့မိသားစုအခြေအနေအရနိုင်ငံခြားကိုထွက်ခွါသွားရပြီတဲ့။
ကျန်တဲ့သူငယ်ချင်းသုံးယောက် 'ဟင်' ကနဲအာမေဋိတ်သံတစ်ခုတစ်ပြိုင်ထဲပေါက်ကွဲသွားတယ်။
 ရင်ထဲမှခင်မင်မှု့မျိုးပင်တစ်ပင်ထပ်မံဆွဲနှုတ်ခံရသလိုမျိုး ခံစားခဲ့ကြရပါတယ်။
ဒါပေမယ့်အရောင်မှိန်သွားတဲ့ပန်ချီကားတစ်ချပ်အတွက်တော့တမင်မေ့ပစ်ခြင်းမှအပအခြားဘာမှ ပေးစွမ်းစရာဆုလာဘ်မရှိပြီ။ဖွဲ့တည်ကျန်ရစ်ခဲ့တဲ့ဥယျာဉ်ကလေးကိုသာ
ပန်းမကြွေတော့တိုင်ပင်နှီးနှောရတော့မှာပေါ့။






ဒီတက္ကသိုလ်ရဲ့ဖြတ်သန်းချိန်ငါးနှစ်တာကာလအတွင်းမှာဘာတွေထပ်မံပဲ့ကျဥိးမလဲ။
အရာရာဟာအတူယှဉ်တွဲပြီးပန်းဝင်ဖို့မဖြစ်နိုင်ဘူး။ဒါပေမယ့်အသိတရားနုသူတွေဆိုတော့ထိုင်နေကျ
စားပွဲဝိုင်းထဲမှာကုလားထိုင်တွေတစ်လုံးပြီးတစ်လုံးလွတ်သွားနေကြတဲ့ကိစ္စ သတိရလာတဲ့အခါတိုင်း ကြေကွဲမှု့ကမကျက်နိုင်တဲ့အနာဟောင်းတွေလိုပြန်ပြန်ဖြစ်ပေါ်ခံစားကြရပါတယ်။ ဒီအဖြစ်သနစ်ဒီဝေဒနာတွေဟာခံစားရအလွန်ခက်ထန်ကြောင်းကျန်ရစ်သူသူငယ်ချင်းသုံးယောက် လုံးဝနားလည်လာခဲ့ပါပြီ။ဒါကြောင့်မို့ကြိုးကိုခိုင်မြဲသထက်ခိုင်မြဲအောင် သုံးလွန်းတင်ကျစ်ပြီး ကြယ်မကြွေအောင်တစ်ဦးကိုတစ်ဦးအပိုင်ချည်နှောင်လိုက်ကြတယ်..။
ဒီမိတ်ဖွဲ့စာအုပ်လေးထဲကခွဲမသွားကြေးဆိုတဲ့ကတိတွေနဲ့ဘုရားမှာသစ္စာဆိုလိုက်ကြတယ်။ ဒီတွင်ပဲပန်းကြွေတတ်တဲ့သစ်ပင်တွေအောက်ကလမ်းကလေးပေါ်မှာသုံးခုပူးအရိပ်တစ်ခုကိုအမြဲတွေ့နေရ တော့တယ်။ဒါပေမယ့်အဲဒီအရိပ်ဟာလည်းခိုင်မြဲခြင်းသဘောမရှိတဲ့အတွက်ရုတ်တရက် အရိပ်စတစ်စဟာလမ်းဘေးမှာပုံလျက်သားလဲကျခဲ့ပြန်လေပြီ။
ခိုင်ဇင်တင့်ကားတိုက်ခံရလို့တဲ့..။
'ဟင်'
ဒီတစ်ခါမှာတော့အလန့်တကြားအော်လိုက်မိတဲ့အာမေဋိတ်သံဟာ မြိုင်မြိုင်ဆိုင်ဆိုင်မရှိလှတော့ပါဘူး။
နှုတ်ခမ်းပေါက်နှစ်ပေါက်ထဲကထွက်လာတဲ့အံ့သြမှု့ဟာဘယ်အတိုင်းအတာထိစည်ပင်နိုင်တော့မှာလဲ...။
အဲဒီနေ့ညကကျန်ခဲ့သူကျနော်တို့နှစ်ယောက်ရဲ့တစ်ခုထဲသောအိပ်မက်ခြံစည်းရိုးကို ကျော်နင်းပြီးဝိဥာဉ်အဖြစ်နဲ့ ခိုင်ဇင်တင့်လာပြီးကိုယ်ယောက်ပြရှာသေးတယ်။






တနေ့....
ကျနော်မိတ်ဖွဲ့စာအုပ်လေးကိုတယုတယလှန်ကြည့်မိလိုက်တယ်။ သြော်...စာရွက်ကလေးနှစ်ရွက်ပဲကျန်ပါတော့လား...။ ကံကြမ္မာကတစ်ရွက်ပြီးတစ်ရွက်ဆုတ်ဖြဲလိုက်တာကျနော်ရယ်၊လပြည့်ဝန်းတစ်စင်းရယ်၊ဒါပဲကျန်တော့တယ်။ ကျန်ခဲ့တဲ့ဒီကြိုးနှစ်ခြောင်းလည်းပြတ်ဥိးမှာလား..။ကျနော်တို့အနာဂတ်ကိုမတွေးရဲကြဘူး။
ဝေးလွင့်သွားတဲ့သူငယ်ချင်းတွေကိုသတိရလာတော့သူမရဲ့မျက်နှာပေါ်မှာမျက်ရည်စီးကြောင်းနှစ်ကြောင်း ဖြစ်သွားတယ်။ကျနော့်ပုဝါလေးလည်းသူမရဲ့မျက်ရည်တွေနဲ့ခြောက်တယ်လို့မရှိတော့ဘူး။
ကျနော်ငေးမောနေပြန်ရင်လည်းလက်မောင်းကိုသူမရဲ့လက်ချောင်းကလေးများနဲ့ဆုပ်နယ်ပြီး ဟန်အမူအယာလေးတွဲ့တွဲ့များနဲ့ချော့မော့နေရှာတာလည်းအကြိမ်ကြိမ်၊၊ ဒီလိုနဲ့စွယ်တော်ရွက်ကလေးတစ်ရွက်လေနဲ့အတူမျောပါလာခဲ့ရာလမ်းဆုံးတစ်ခုမှာ ဘွဲ့နှင်းသဘင်ခန်းမကပြုံးရွှင်စွာကြိုလင့်ရင်းသူမနဲ့ကျနော့်ကိုပညာတတ်လက်မှတ်အပ်နှင်းလိုက်တယ်။
အဲဒီအချိန်တုန်းကမိုးမြင့်ဝန်းဝါဟာကျနော့်အတွက်ဘွဲ့ဝတ်စုံမှအစအားလုံးကိုအကုန်အကျခံ တာဝန်ယူပေးခဲ့တယ်။ငွေကြေးကတော့သူ့မိဘတွေဆီမှတဆင့်မြစ်ဖျားခံလာတဲ့အတွက် ကျနော်ဟာမိုးမြင့်ဝန်းဝါရဲ့အမေ၊အဖေတို့နဲ့လုံးဝရင်းနှီးသွားခဲ့တယ်။
ဒီတော့မှပဲသူမရဲ့မိခင်ဖခင်တို့ဟာဂုဏ်ဓနမို့မောက်သူများမဟုတ်ကြောင်းကျနော်နားလည်လာရတယ်။ ကျနော့်အပေါ်မှာလည်းသမီးရဲ့ရိုးသားတဲ့မိတ်ဆွေအဖြစ်အသိအမှတ်ပြုထားကြောင်း ထင်ရှားပေါ်လွင်လွန်းပါတယ်။
ဒါပေမယ့်ကွာခြားလွန်းတဲ့ကြယ်တာရာနှစ်ခုကိုပေါင်းကူးဖို့ဆိုတာမဖြစ်နိုင်တဲ့အိပ်မက်ပဲလို့ အစကတည်းကခံယူထားခဲ့တဲ့ကျနော်..။
မိတ်ဖွဲ့စာအုပ်လေးကိုအသာလှန်လိုက်တယ်။အဲဒီမျာတင်မှင်ရည်ကျဲကျဲနဲ့ဘဝကဗျာတွေရေးထားတဲ့ ကျနော့်ကိုယ်ပိုင်စာရွက်လေးတစ်ရွက်ကိုကံကြမ္မာလက်မဦးခင်ကျနော်ကိုယ်တိုင်ဆွဲဖြုတ်ပစ်လိုက်တယ်။ ပြီးတော့ရိုင်းစိုင်းစွာအဝေးတနေရာဆီကိုရွက်လွှင့်ထွက်ပြေးခဲ့ပါတယ်။ ကျန်ရစ်သူတော့ဘယ်လိုဖြစ်ကျန်ခဲ့မလဲမသိ၊ထွက်ပြေးသူအတွက်ကတော့တမင်အသည်းညှာဖြတ်ချလာရတဲ့ လူတစ်ယောက်လိုခံစားလိုက်ရပါတယ်။ ဒါပေမယ့်မမြင်ရတဲ့ကြိုးတစ်ချောင်းကတော့ အမျှင်တန်းစွာနဲ့ကပ်ပါလာခဲ့တာကိုလည်းရိပ်မိခဲ့ပါတယ်..။ ရုပ်တရားဖြစ်တဲ့လူခြင်းခွဲခွါလာရပေမယ့်နာမ်သဘောဖြစ်တဲ့သံယောဇဉ်ကတော့ တစ်သက်တာကြာမျှင်တန်းနေမှာပါပဲ
ဆိုတာကိုတော့ကိုယ်တိုင်ကြိုးပြတ်ကျမှပဲကျနော်သဘောပေါက်သွားတယ်။

မူရင်းရေးသူ
(တင်နိုင်ဝင်း/ထမင်းဈေးမြို့)





အမှတ်၃၁၀မဟေသီရုပ်စုံမဂ္ဂဇင်းမှနှစ်သက်မိသောပို့စ်လေးတစ်ပုဒ်မို့ကူးယူဖော်ပြပါသည်။
ကိုယ်တိုင်ရေးတွေကအဖြစ်မရှိလို့..:P :P
ခင်မင်လေးစားစွာဖြင့်

ချင်းကလေး






4 Responses
  1. Angelhlaing(May everybody be happy and healthy! Says:

    လပြည့်ဝန်းလေးအကြောင်း လာဖတ်တယ်...:)

  2. မောင်ခင်မောင်ချင်း@ချင်းလေး Says:

    ကျေးဇူးမမ... မမရေးခိုင်းတာလေးရေးပါ့မယ်မမရေ.. သူများရေးတဲ့တဂ်ပို့စ်တွေစောင့်နေလို့ပါနော်...:-)

  3. jasmine(တောင်ကြီး) Says:

    ချင်းလေးရေ
    ဖတ်သွားပါပြီနော်...
    ချမ်းမြေ့ပါစေ

  4. mstint Says:

    အားပေးသွားပါတယ် ချင်းလေးရေ။
    စိတ်ဓာတ်အစဉ်ကြည်လင်အေးမြပါစေကွယ်။

    မေတ္တာဖြင့်
    အန်တီတင့်

abcs